வீதியை கடக்க முற்பட்ட பாதசாரி மீது பஸ்ஸொன்று மோதி விபத்துக்குள்ளானதில் வயோதிபர் ஒருவர் படுகாயமடைந்து டிக்கோயா மாவட்ட வைத்தியசாலையில் அனுமதிக்கப்பட்டுள்ளதாக அட்டன் பொலிஸார் தெரிவித்தனர்.
அட்டனில் இயங்கி வரும் ஆடைத்தொழிற்சாலைக்கு ஊழியர்களை ஏற்றி வந்த. சிட்டி ரைடர் பஸ்ஸே இவ்வாறு விபத்துக்குள்ளாக்கியுள்ளது.
அட்டன் நகரில் டெலிக்காம் சந்தியிலே இன்று காலை 07.30 மணியளவில் விபத்து இடம்பெற்றுள்ளதுடன் பஸ்ஸில் மோதுண்ட வயோதிபர் தூக்கி வீசப்பட்ட காட்சியும் சி.சி.டி.வி கமராவில் பதிவாகியுள்ளது.
குறித்த பஸ் சாரதி கைது செய்யப்பட்டு அட்டன் மாவட்ட நீதிமன்றில் ஆஜர்படுத்தப்பட்டுள்ளதாகவும் விபத்து தொடர்பில் மேலதிக விசாரணைகள் தொடர்வதாக அட்டன் பொலிஸார் தெரிவித்துள்ளனர்.
