தலவாக்கலை பிரதேசத்திற்குட்பட்ட மேல் கொத்மலை நீர்தேக்கத்திலிருந்து இளைஞனின் சடலமமொன்று மீட்கப்பட்டுள்ளதாக தலவாக்கலை பொலிஸார் தெரிவித்தனர்.
இச்சம்பவம் தொடர்பில் தெரியவருவதாவது,
இன்று சடலமாக மீட்கப்பட்ட இளைஞன் 12.08.2024 அன்று தீடீரென காணாமல் போயுள்ளார். குறித்த நபரை தேடும் நடவடிக்கையினை உறவினர்கள் முன்னெடுக்கப்பட்டப்போதும் அது பயனளிக்காத நிலையில், 13.08.2024 அன்று தலவாக்கலை பொலிஸ் நிலையத்தில் முறைபாடு செய்திருந்துள்ளனர்.
இதன் பின்னர் தலவாக்கலை பொலிஸார் தேடுதல் மேற்கொணடுள்ளனர். குறித்த இளைஞன் இன்று (14.08.2024) சடலமாக மேல் கொத்மலை நீர்தேக்கத்தில் மிதந்துக்கொண்டு இருந்ததை இப்பிரதேசவாசிகள் கண்டு தலவாக்கலை பொலிஸாருக்கு தகவல் வழங்கியுள்ளனர்.
அதனையடுத்து, பொலிஸாரால் சடலமாக மீட்கப்பட்ட இளைஞன் தலவாக்கலை மேற்பிரிவு தோட்டப்பகுதியைச் சேர்ந்த 24வயது கொண்ட டி.மதுஸான் என அடையாளம் காணப்பட்டுள்ளதாக தெரிவித்த பொலிஸார் மேலதிக விசாரணைகளை மேற்கொண்டுள்ளனர்.
எம்.கிருஸ்ணா
