கல்வி பொது தராதர உயர்தர பரீட்சை இம்மாதம் 25ஆம் திகதி ஆரம்பமாகும் என கல்வி பரீட்சைகள் திணைக்களம் தெரிவித்துள்ளது.
இம்மாதம் 25ஆம் திகதி முதல் டிசம்பர் மாதம் 20ஆம் திகதி வரை பரீட்சைகள் இடம்பெறும் எனவும் தெரிவித்துள்ளது. பரீட்சைக்கான பாடசாலை மாணவர்களின் அனுமதி அட்டைகள் மற்றும் நேர அட்டவணை அந்தந்த பாடசாலை அதிபருக்கு அனுப்பிவைக்கப்பட்டுள்ளது.
தனிப்பட்ட விண்ணப்பதாரர்களுக்கான பாட அட்டவணை, அனுமதி அட்டைகள் தனிப்பட்ட விண்ணப்பதாரர்களின் முகவரிக்கு அனுப்பி வைக்கப்பட்டுள்ளதாக திணைக்கள்ம் மேலும் தெரிவித்துள்ளது.
அஞ்சல் மூலமாக அனுமதி அட்டைகளை பெறாத தனிப்பட்ட விண்ணப்பதாரர்கள் பரீட்சை திணைக்களத்தின் உத்தியோகபூர்வ இணையதளமான www.doenets.lk எனும் தளத்திற்கு நவம்பர் 18 ஆம் திகதி முதல் அவற்றை பதிவிறக்கம் செய்து கொள்ளலாம்.
இதே வேலை அவற்றுள் ஏதேனும் திருத்தங்கள் இருப்பின் அனைத்து பரீட்சார்த்திகளும் www.onlineexams.gov.lk.eic என்ற இணையதளத்தில் நவம்பர் 18-ஆம் திகதி நள்ளிரவு 12 மணி வரை திருத்தங்களை செய்யலாம் எனவும் அறிவிககப்பட்டுள்ளது.
