கொழும்பில் பிரதமரின் உத்தியோகபூர்வ இல்லமான அலரிமாளிகைக்கு அருகில் அமைக்கப்பட்டுள்ள போராட்ட தளத்தை அகற்றுவதற்கு அரசாங்க எதிர்ப்பு ஆர்ப்பாட்டக்காரர்கள் தீர்மானித்துள்ளனர்.
2022 ஆம் ஆண்டு மே மாதம் ஐக்கிய தேசியக் கட்சியின் தலைவர் ரணில் விக்கிரமசிங்க பிரதமராக நியமிக்கப்பட்டதை அடுத்து, எதிர்ப்பாளர்களால் ‘நோ-டீல் காமா’ அமைக்கப்பட்டது. மே 09 அமைதியின்மையின் பின்னர் முன்னாள் பிரதமர் மஹிந்த ராஜபக்ஷ ராஜினாமா செய்ததைத் தொடர்ந்து அவர் முன்னாள் ஜனாதிபதி கோட்டாபய ராஜபக்ஷவினால் பிரதமராக நியமிக்கப்பட்டார்.
விக்கிரமசிங்க பிரதமராக பதவியேற்றவுடன் ஆர்ப்பாட்டக்காரர்கள் அலரி மாளிகைக்கு வெளியே ‘நோ-டீல் கம’ போராட்ட தளத்தை அமைத்தனர்.
இலங்கையின் 8வது நிறைவேற்று அதிகாரம் கொண்ட ஜனாதிபதியாக ரணில் விக்கிரமசிங்க இன்று பதவிப்பிரமாணம் செய்து சில மணித்தியாலங்களுக்கு பின்னரே போராட்டம் நடத்தும் இடம் அகற்றப்பட்டுள்ளமையும் குறிப்பிடத்தக்கது.
