தெற்காசியாவிலேயே மிக உயரமான கோபுரமான கொழும்பில் உள்ள 350 m உயரமான “தாமரைக் கோபுரத்தின்” நடவடிக்கைகள் இன்று 15 ஆம் திகதி வியாழக்கிழமை ஆரம்பிக்கப்படவுள்ளதுடன், முதற்கட்டமாக உள்ளூர் மற்றும் வெளிநாட்டு மக்கள் அதனை பார்வையிடும் சந்தர்ப்பம் வழங்கப்பட்டுள்ளது. இது குறித்த அறிவிப்பு வெளியிடப்பட்டுள்ளது.
அதன்படி, வரும் 15 ஆம் திகதி முதல், வார நாட்களில் மதியம் 2:00 மணி முதல் இரவு 10:00 மணி வரையும், வார இறுதி நாட்களில் மதியம் 12:00 மணி முதல் இரவு 11:00 மணி வரையும் தாமரை கோபுரம் பார்வையாளர்களுக்காக திறந்திருக்கும்.
நடவடிக்கைகள் ஆரம்பிக்கப்பட்டவுடன், இலங்கையர்கள் ரூபா 500 மற்றும் 2,000 ரூபாவும் கட்டணமாக அறவிடப்படும் இதில் சிறுவர்களுக்கு 200 ரூபாவும், பெரியவர்களுக்கு 500 ரூபாவும் அறவிடப்படும்.
வெளிநாட்டவர்களுக்கு 20 அமெரிக்க டொலர்கள் அறவிடப்படும்.
2000 ரூபாய் ரிக்கெட்டுக்கு பார்வையாளர்கள் வரிசையில் நிற்காமல் வளாகத்திற்குள் நுழையலாம் மற்றும் கோபுரத்தின் மேல் செல்லலாம். 500 ரூபாய் ரிக்கெட்டுக்கு, ஒருமுறையே பார்வையாளர் கோபுரத்தின் மேல் தளத்துக்கு செல்லமுடியும்.
எதிர்காலத்தில் ரிக்கெட்டுக்கு பதிலாக QR கோட் முறையை அறிமுகப்படுத்தவும் திட்டமிடப்பட்டுள்ளது. மேலும் கோபுரத்தில் உள்ள உணவகங்கள், கடைகள் போன்றவற்றில் தேவையான அளவு தங்குவதற்கான வாய்ப்பு உள்ளது, ஒவ்வொரு இடத்திலும் அவர்கள் தங்குவதற்கான நேரம் மட்டுப்படுத்தப்படும். மேலும், ஒவ்வொரு பார்வையாளர்களும் கோபுரத்தின் 29 வது தளத்தில் உள்ள கண்காணிப்பு இடத்தில் 30 நிமிடங்கள் தங்கலாம்.
ஒரே நேரத்தில் சுமார் 150 பேர் தங்கக்கூடிய காட்சிப் பகுதிக்குள் நுழைந்ததும், பார்வையாளர்களுக்கு கீழே உள்ள கொழும்பு மாவட்டத்தின் பல பகுதிகளையும் மற்ற தொலைதூரப் பகுதிகளையும் தொலைநோக்கி மூலம் பார்க்கும் வாய்ப்பு உள்ளது.
தாமரை கோபுர நடவடிக்கைகளின் இரண்டாம் கட்டத்தில், சிவனொலிபாதமலை, சிகிரியா, நக்கிள்ஸ் மலைத்தொடர் போன்ற இடங்களைக் காண கண்காணிப்புப் பகுதியில் இருந்து பார்க்க தொலைநோக்கிகள் பொருத்தப்படும்
இங்கே, பார்வையாளர்கள் 27 வது மாடியில் சுழலும் உணவகம், 26 வது மாடியில் 500 இருக்கைகள் கொண்ட விருந்து மண்டபம், தரை தளத்தில் பிரபலமான உணவகங்கள் மற்றும் நினைவு அன்பளிப்பு பொருட்கள் கடைகள் ஆகியவை உள்ளன.
இந்த வளாகத்தில் இசைக் கச்சேரிகள், கலாச்சார நிகழ்ச்சிகள், உணவுத் திருவிழாக்கள் போன்றவற்றை நடத்தவும் ஏற்பாடு செய்யப்பட்டுள்ளதுடன், எதிர்காலத்தில் காற்றில் நடப்பது, நுழைவாயிலில் தண்ணீர் மாதிரி நிகழ்ச்சிகள், மேல் இருந்து டைவிங் போன்ற விளையாட்டுகளும் அறிமுகப்படுத்தப்பட உள்ளன.
